Русия борынгы шәһәрләр тәңкәсе Владимир

“Борынгы шәһәрләр” сериясенең “Владимир” юбилей тәңкәсе, Русия Үзәк банкы тарафыннан, 2008 елның 1-нче февралендә әйләнешкә чыгарылды.

Владимир – Русиянең иң борынгы шәһәрләреннән берсе. Борынгы урыс төзелеш сәнгатьлегенең уникаль һәйкәлләре кадерләп саклана монда. Борынгы Русия тарихында булган хәлиткеч вакыйгаларда, аның катнашы бик зур. Борынгы бабаларыбыз тудырган сәнгатьнең гүзәл әсәрләрен үз күзләре белән күреп, гасырлар төпкелендәге үткәннәрне барларга, меңләгән турист килә монда бүген.
Владимир шәһәренә 1108-нче елда бөек Киев князе Владимир Всеволодвич Мономах нигез салган. Акыллы, кыю һәм киң күңелле князь хөрмәтенә шәһәр аның исеме белән аталган. Яңа шәһәр куе урманнар белән уратылганга күрә, киевлылар аны Урман арты җирләр дип йөрткәннәр.
Үзенең яшәү тарихында шәһәр 1238-нче елның кышында монгол армиясе тарафыннан җимерелүне, Болгавыр елларны, большевикларның православиягә каршы аяусыз көрәшеп кичерде. Шул авырлыкларга да карамастан, шәһәр халкы, 12-нче гасырның гаҗәеп сәнгать әсәре булып торган храмнарны, һәйкәлләрне саклап кала алганнар.
Бүгенге көндә Владимир шәһәре – эре промышленность үзәге һәм өлкә башкаласы булып тора. Ләкин ул туристлык үзәге буларак күбрәк билгеле.

“Борынгы шәһәрләр” сериясенең “Владимир” юбилей тәңкәсе, Сезнең коллекциягездә, үзенең лаек урынын ала.