Батыр-шәһәр Сталинград тәңкәсе

2000-нче елның дүртенче маенда Русия Үзәк банкы “Батыр – шәһәр Сталинград” истәлек тәңкәсе әйләнешкә чыгарды.

1942-нче елның көзендә немецлар Иделгә чыктылар. Күп заводлары булган һәм төп тимер юллар үткән зур Сталинград шәһәренә һөҗүм иттеләр. Хәзер ул Волгоград дип атала. Сугыш барышында хәликеч борылыш ясаган Сталинград оборонасы башлана! Шәһәр өстенә меңләгән бомба һәм снарядлар ява. Шәһәр нык җимерелеп, аның хәрәбәләре астында калып, меңләгән кеше һәлак була. Сталинградны саклаучылар тиңдәшсез батырлыклар күрсәттеп оборона тоталар. Илнең көнчыгышыннан фронтка яңа көчләр тартыла, кораллар туплана. 1942-нче елның нояберендә совет гаскәрләренә һөҗүмгә күчәргә приказ бирелә. Сталинградка һөҗүм иткән немец гаскәрләренең төп өлеше чолгап алына һәм әсирлеккә төшәргә мәҗбүр ителә.

1965-нче елның сигезенче маенда Сталинград шәһәренә “Батыр-шәһәр” дигән исем бирелә.