Батыр-шәһәр Ленинград тәңкәсе

2000-нче елның дүртенче маенда Русия Үзәк банкы ике сум номиналында “Батыр – шәһәр Ленинград” истәлек тәңкәсен әйләнешкә чыгарды.

Ленинград – гүзәл музей шәһәр, Русиянең эре икътисади һәм мәдәни үзәге 1941-нче елның сентяберендә фашистлар чолганышка ала. Берничек тә басып керә алмагач, ачлык белән бирелергә мәҗбүр итәргә булалар. Ленинград блокадасы 900 көнгә сузыла. Бу көннәр – сугышның иң куркыныч сәхифәләреннән берсе. Фашистлар бертуктаусыз шәһәрне бомбалыйлар, максатлы рәвештә шәһәрнең азык-төлек складлары юкка чыгарыла. Ачлык башлана. Аннары ягулыкта бетә. Ягылмаган өйләр караңгылыкка чума, торбаларда сулар туңып шартлый. Ленинградта үлем әфәте башлана... бер миллионнан артык кеше һәлак була. Ленинград блокадасы – бөтендөнья масштабындагы трагедия. Аның корбаннары турындагы хатирәләрне заманча Санк-Петербург кадерләп саклый...

1965-нче елның сигензенче маенда Ленинградка югары дәрәҗә билгесе булган “Батыр-шәһәре” дигән данлы исем бирелә.