Батыр-шәһәр Мәскәү тәңкәсе

2000-нче елның дүртенче маенда Русия Үзәк банкы ике сум номиналында “Батыр-шәһәр” Мәскәү истәлек тәңкәсен әйләнешкә чыгарды.

1941-нче елның сентяберендә немец-фашист гаскәрләре Мәскәүне басып алуга хәзерлек эшен башлап җибәрделәр. Алар, совет гаскәрләре оборонасын өзеп, һөҗүмгә күчтеләр. Дошманнар юлына халык ополчениясе һәм хәрби уку йортлары укучылары киртә булды. Начар коралланган булып, зур югалтуларга дучар ителсәләр дә, фашистларны тоткарлап, туктарга мәҗбүр итә алдылар. Бу арада Мәскәүне сакларга яңа көчләр килеп җитешә. Мәскәү өчен сугыш, Бөек Ватан сугышының иң хәлиткеч мизгелләренең берсе була. Немец  армиясе үз юлында каты каршылыкларга очрый. Искиткеч зур корбаннар барәбәренә, Кызыл Армия һәм халык ополченисы зур батырлык күрсәтә.

1965-нче елның сигезенче маенда, Мәскәү иң югары дәрәҗә билгесе будган “Батыр-шәһәр” исеменә лаек була.