Батыр-шәһәр Смоленск тәңкәсе

2000 елның 4 май көнне Русия Үзәк банкы 2 сум номиналында Смоленск юбилей тәнкәсе әйләнешкә чыгарды.
Смоленск шәһәре – тиңдәшсез сугыштагы батырлык үрнәге. Элек, 15-нче гасырларда һәр йөзъеллыкта диярлек Русия өчен хәлиткеч сугышларда төрле яуларга каршы торды. Көнбатыш чигендә урнашканга күрә, аны Россиягә “ керү ачкычы” атасалар да, аяусыз канлы көрәшсез бу “ачкыч” беркем кулына да эләкмәде.
Көнбатыш юнәлешендә төрле дошман яуларына киртә булып торган Смоленск, Бөек Ватан сугышы башлануының икенче көнендә тагын вахшилләрчә бомбардировкага дучар ителде. Ике атнадан артык фашистлар шәһәрне бертуктаусыз туплардан атып, шуннан соң гына штурмга күчтеләр. Смоленскны саклаучылар аяусыз каршылык күрсәтсәләр дә, көчләр тигез булмаганлыктан, 1941-нче елның 21 июлендә немецлар шәһәргә керәләр.
Тик озакламый, немецларны Мәскәү юнәлешендә ике айдан артык вакытка тоткарланырга мәҗбүр иткән, Смоленск сугышы башланып китә. Бөек Ватан сугышы тарихында бу иң авыр, кан коюлы сугышларының берсе була.
1985 елның 6 маенда Смоленскка югары дәрәҗәдәге аерымлык билгесе булган “Батыр-шәһәр” исеме бирелә. Бу вакыйгага багышлап, 2 сум номиналынлагы “Смоленск” юбилей тәңкәсе чыгарылган.