Бангладеш тәңкәләре җыелмасы

Бангладеш дәүләте картада 1971 елда, Пакистанның бүленүе нәтиҗәсендә барлыкка килде. Пакистан кебек ук, Бангладеш - мөселман дәүләте. Ул дөньядагы халкы иң күп санлы һәм ярлы дәүләтләренең берсе. Бик еш су басулардан һәм җимергеч циклоннардан күп зарар күрә. Бангладешның төп өлеше өч зур елга: Ганг, Брахмапутры һәм Мегхнга дельтасында урнашкан. Муссон яңгырлары сезонында (июннән октябрьгә кадәр) елгалар ярларыннан чыгып, кырларны ләм - ашлама белән сугарып калдыралар. Ләкин бу су басулар йөзләгән кеше гомерләрен өзә, мал-туарларны һәлак итә, авыллар һәм кырлар су астында кала. Шуңа карамастан, күп халык шундый җирләрдә яшәргә мәҗбүр.
Бангладешта дҗутны "алтын җепсел" дип атыйлар. Бу үсемлекнең нык җепселләреннән аркан ишәләр, капчык һәм келәм өчен җирлек эшлиләр. Дҗут - крестьяннар йчен бик мөһим керем чыганагы һәм илнең төп экспорт өлеше булып тора. Хәзерге көндә дҗутның "көндәше" - ясалма җепселләр эшләнде. Чәй һәм шикәр камышы да баллыча экспортка чыгару өчен үстерелә. Бангладешта төп туклану ризыгы - дөге.