Гвинея 100 франков 2012 елгы кәгазь акчасы

Гвинея - элеккеге Франция колониясе, табигый зоналарының төрлелеге белән аерылып тора. Яр буе тигезлекләрендә банан, дөге, цитрус җимешләре үстерергә уңайлы. Тауларда файдалы казылмалар ятмалары күп.
Гвинеяда алга китү өчен бөтен мөмкинлек бар, әмма Секу Туре диктатурасы елларында экономиканың артта калуы һәм Франциядән финанс ярдәме булмавы илне тирән кризиска китереп чыгарды: бу дөньядагы иң ярлы илләрнең берсе, уртача кеше гомере 44 яшькә кадәр, сәламәтлек саклау һәм белем бирү бик түбән дәрәҗәдә.
Гвинеяда күп халыклар яши, шулай ук малинке, фульбе, сусу дигән милләтләр. Аларның күбесе ислам динен тота. Халыкның 1/3 малинкалар тәшкил итә. Аларның атамасы Мали белән чиктәш булган тау районнарында яшәүләре белән бәйле. Урта гасырларда хәзерге Гвинея дәүләте җирләре бөек Мали империясе биләмәләренә кергән була. Малинкелар борынгы гореф-гадәтләре һәм музыкаль традицияләре белән дан тота.
Тоташ, яңгырлар ява торган, көньягында куе урманнар белән капланган таулар. Монда кыммәтле токымлы агачлар үсә - урман промышленносте өчен менә дигән чимал. Биредәге табигый шартлар төрле культуралар үстерегә, бигрәк тш кофе өчен бик яхшы. Моннан бу регионның төп елгалар: Нигер, Гамбия, Сенегал башлана.